Yn eisiau: rhaglennwyr ar gyfer TheyWorkForYou (Cynulliad Cymru)
Yn anffodus sgen i mo’r amser i gyfieithu cofnod lawn Carl Morris, ond i ail-adrodd ei alwad yma am help gan raglennwyr a deallusion cronfeydd data i greu fersiwn o wefan wych TheyWorkForYou ar gyfer trafodion y Cynulliad yma yng Nghymru.
Dwi wedi defnyddio’r fersiwn San Steffan ar gyfer fy Aelod Seneddol ar sawl achyslur ac mae’n adnodd heb ei ail. Byddai cael hwn ar gael ar gyfer ein egin-senedd ni yma yn creu cyfleoedd newydd, haws i rhyngweithio gyda nhw. Mae trafodion fel y mae hi yn annodd iawn i’w chwilio, ac er cystal yw Senedd.tv, byddai’n gam mawr ymlaen gallu cadw tabs ar ein aelodau a’u hanes trwy system llawer mwy focused a thrwy RSS neu ebost .
Mae MySociety yn gwneud gwaith gwych, ond maent yn ddibynnol ar wirfoddolwyr, felly os ydych chi’n raglennydd neu arbenigwr strwythurau data, plis ystyriwch roi chydig o’ch amser i’r gwaith pwysig hwn.
Unwaith mae wedi cael ei adeiladu efallai gellir hefyd ei leoleiddio i’r Gymraeg. Byddai digon o bobl ar gael i wneud hynny dwi’n siwr.
Gallwch nodi eich diddordeb draw ar y bwrdd trafod, a byddai’n gwneud dim drwg o gwbl i anfon neges at eich aelod cynulliad i ofyn iddyn nhw roi hysbys i’r alwad.
Os nad oes ganddoch chi’r sgiliau hyn, yna pasiwch y neges mlaen at rywun sydd. Gobeithio y cawn ni hwn ar ei draed cyn tymor y Llywodraeth y Cynulliad nesaf.
If you enjoyed this post, please consider to leave a comment or subscribe to the feed and get future articles delivered to your feed reader.
Ymuna cofrestu trafodiaeth oes ti’n gallu helpu.
https://secure.mysociety.org/admin/lists/mailman/listinfo/theyworkforyou-wales
Diolch