Wolfram Alpha
Stephen Wolfram
Heddiw fe lansiwyd Wolfram Alpha sef y porwr “deallus” newydd fydd, maen debyg, yn dod i fod yn brif gystadleuydd i Google. Mae’r dyn sydd tu ôl y prosiect, Stephen Wolfram, yn gobeithio y bydd ei borwr ef yn gweddnewid y ffordd y bydd pobl yn defnyddio’r we.
Y prif wahaniaeth tu ôl i’r Wolfram Alpha i gymharu a Google yw ei fod yn dangos y wybodaeth/atebion i chi yn hytrach na dangos rhestr o ddolenni lle maen bosib y byddwn chi’n gallu darganfod y wybodaeth.
Dyma rai enghreifftiau:
what was the weather in aberystwyth on 1/1/08
Yn anffodus maen mynd braidd ar goll pan fyddw chi’n gofyn cwestiynau penodol am Gymru fel ‘who is the leader of Plaid Cymru?’ neu ‘where is snowdonia?’ ac yn hynny o beth maen amlwg ei fod yn US-centric ar hyn o bryd. Ond os bydd y wefan yn lwyddiant maen siŵr y bydda nhw’n datblygu’r system i fod yn lleol.
Mae fideo gan y gwneuthurwr fan yma yn eich siarad chi trwy bopeth allwch chi wneud ar y porwr newydd – ac mae’r pethau maen dangos yn eithaf wa wi. Dwi’n disgwyl mlaen i weld sut bydd y porwr newydd yma yn datblygu.
If you enjoyed this post, please consider to leave a comment or subscribe to the feed and get future articles delivered to your feed reader.
Sylwadau
1) Dyw e ddim yn trio cystadlu gyda Google a mae ganddo fwriad hollol wahanol
2) Dyw e ddim yn chwilio’r we, mae’n chwilio cronfeydd penodol o wybodaeth wedi ei dewis a’i dethol gan gwmni Wolfram.
3) Nid ‘porwr’ yw e, ond peiriant chwilio (neu i fod yn fwy manwl, dadansoddydd chwiliadau sy’n trio deall cwestiwn a cyflwyno ateb mewn ffurf ystadegol/mathemategol/gwyddonol).
[...] Wolfram Alpha [...]