Retrospective cofnodion 2009: Rhan 1
O’n i’n meddwl baswn hi’n werth edrych nôl dros y flwyddyn a fu (gan gynnwys chydig o 2008) a dewis rhai o gofnodion Metastwnsh sydd yn sefyll allan an amryw resymau. Bydd hon y flog gyntaf o dri fydd yn edrych ar hyn.
Bydd yr ail yn edrych ar hoff gofnodion y cyfrannwyr; a’r drydedd yn edrych ar rhai o’r cofnodion eraill oedd yn boblogaidd o ran darllenwyr. Ond yn y gyntaf dwi am roi rhestr o’r holl gofnodion wnaeth ennyn y mwyaf o drafodaeth (h.y. cofnodion lle cafwyd 10 neu fwy o sylwadau).
Mae’n wych cael trafodaeth ar gofnod, a dyna un o’r rhesymau dros sgwennu blog, felly diolch i bawb sydd wedi dod yma a rhoi eu barn. Yn amlach na pheidio ma’n cywiro/egluro/esbonio mwy na mae’r gofnod wreiddiol wedi ei wneud ac yn ychwanegu lot ato.
Felly dyma chi, gan ddechrau efo’r cynharaf…
- Cymru a Gwe 2.0 – be ddigwyddodd i’r maniffesto na nes i addo dwch? Ym…un ar gyfer 2010 ia?
- Poblogrwydd neu ddiffyg poblogrwydd Podlediadau – cofnod gan Rhys, a dwi’n hapus i ddeud bod ni wedi mynd chydig o’r ffordd i ateb ei gwestiwn.
- Yr LCO iaith a Thechnoleg – www, cofnod ddadeuol gan Rhys!
- Citizen journalism ac arafwch BBC Cymru – cofnod arall gan Rhys nath rili gynnau trafodaeth (30 sylw!) ar werth, neu ddim, newyddiaduraeth y dinesydd.
- Dewis yr Wythnos 12 – toeon bach oedd y rheswm am y sgwrs yma (ddylian ni atgyfodi Dewis yr Wythnos dwch?)
- Dim cyfieithu Cymraeg ar Google Translate – dadl am ddifyg MT Cymraeg gan Google ac ymateb Cymdeithas yr Iaith Gymraeg i hynny
- BBC iPlayer – cofnod gan Gareth nath neud i fi gael dig bach at Rhys am beidio talu ei drwydded!
- Gorsedd y Gîcs yn #eisteddfod09 – hysbys am ein cwrdd-ffwrdd gwych ni!
- Yr hen ffordd Gymreig o fyw… – cofnod gan Rhys ar gyflymder gwe yng Nghymru
- 3G Cymru – Aled efo’r gofnod wnaeth ddechrau ar yr ymgyrch 3G Metastwnsh
- VOCAB – cofnod gan Aled yn trafod rhoi gwasanaeth BBC Vocab ar y blog.
- Digwyddiad 01/09/09: Profi’r Ffôn Cymraeg Newydd – trafodaeth am y ffôn lôn Cymraeg
- Podlediadau Metastwnsh – Gareth yn lansio podlediad (sglodlediad?) Metastwnsh
Os oes ganddoch chi rwbath hoffech chi ddweud am y blog yn y flwyddyn a fu, a sut gallwn ni wella, yna gadwch sylw.
Ma sylwadau fel bwyd i flogiwrs – bwydwch ni!
If you enjoyed this post, please consider to leave a comment or subscribe to the feed and get future articles delivered to your feed reader.
Sylwadau
Dim sylwadau eto.
Gadewch sylw