Dwi wedi prynnu ringtone gan y Kings of Leon ar gyfer fy iPhone i a dwi’n reit hapus hefo fo. Sa’n gallu bod yn hirach na’r 19 eiliad am 99c ond dyna ni.

Os da chi’n hoffi newid eich ringtone yn aml mae hwn yn wych, ond dwi ddim felly fyddai ddim yn ei ddefnyddio.

Wedi dweud hyna, mae’n neis gwybod bod y gwasannaeth ar gael.

Mae popeth sydd angen bod ymlaen, ymlaen. Gobeitho yr eith y neges yma drwodd.

Diolch i waith Gwion Llwyd – mae camera fideo ardderchog gennym ni yma yn y gwaith (datgeliad, dwi yn gweithio ar gynnwys gwefannau ar gyfer S4C). Mae safon y camera, hyd yn oed wedi i mi ei gywasgu i fformat FLV (flash video) yn glir iawn a miniog. Mae wedi bod yn llwyddiant o’r dechrau, gan ei fod yn hawdd iawn i’w ddefnyddio gan amaturiaid. Mae ein hannwyl gyflwynwyr yn ei ddefnyddio i saethu, ac yn ei weld yn well na’r Flip Mino HD (sydd wedi mynd i’r doctor yn y Weriniaeth Tsiec, wedi iddo benderfynu peidio gweithio!).

Dyma fideo byr i ddangos safon y camera, hyd yn oed wedi ei gywasgu eitha tipyn:

Llechi fydd un o’r datblygiadau ar gyfer 2010 yn sgil yr holl gynnwrf dros yr iPad. Dyma edrych ar un o’r llechi diweddaraf i ymddangos, sef yr Archos 9 (www.archos.com)

Dwi di cael ychydig o amser i chwarae gyda’r llechen yma a dyma sut mae’n edrych. Mae’r llechen yn seiliedig ar sgrin 9 modfedd gydag offer rheoli bob ochr i’r sgrin. Mae’n rhedeg ar sglodyn Intel Atom Z510 1.1 GHz, mae ganddo 1GB o RAM a disg caled o 60GB. Mae’n pwyso tua 800gm (dros ddwywaith pwysau Mr Blaidd, Llwyd Owen). O ran maint mae’n 256/134/16mm. Mae’n rhedeg Microsoft 7 Starter ac mae’n cynnig WiFi, Bluetooth ac un soced USB2.

Mae’n teimlo o wneuthuriad da yn y dwylo, ychydig yn drymach efallai na sy’n ddelfrydol ac mae’n cynhesu rhywfaint ar y chwith yn y cefn ar ôl tipyn.

Mae’r offer rheoli yn teimlo’n hwylus – llygoden effeithiol iawn a switsh cychwyn a diffodd ar y dde a botwm rheoli’r diwifr a’r bysellfwrdd yn ogystal â botymau llygoden de a chwith. Mae yna feicroffon a chamera gwe yno hefyd. Does dim offer cyfeiriadedd sgrin awtomatig na GPS. Ar y cefn mae braich ar gyfer cynnal y llechen ar i fyny a slot ar gyfer y stylus. Mae’r stylus yn teimlo’n dila iawn, sy braidd yn siomedig ond dwi heb ddefnyddio llawer arno – bys!

Mae’n bosib eich bod wedi sylwi ar wendid cychwynnol y llechen sef er ei fod yn rhedeg system weithredu llawn Windows 7 fersiwn Starter, ac mai nid Home Premium sydd arno. Nid yw felly’n gwneud defnydd o’r offer llechen mae Microsoft wedi ei ddatblygu dros y blynyddoedd. Mae’n cynnwys gyrwyr sy’n cysylltu â gyrwyr y llygoden a rhaglen bysellfwrdd.

Mae llawer o’r defnyddwyr cyntaf wedi symud yn syth i osod Home Premium er mwyn gallu mabwysiadu’r dechnoleg uwch. Mae gyrwyr mwy diweddar ar gael o wefan Archos ar gyfer y sgrin cyffwrdd ac mae’n cyfuno’n dda i gynnig profiad sgrin cyffwrdd effeithiol os nad cynhwysfawr. Fel y Nokia N800 sy gen i mae’n cynnig fflicio i fyny ac i lawr y sgrin ac mae’n cynnig bysellfwrdd ar gyfer blychau testun. Mae modd dewis ysgrifennu yn lle teipio ac mae hwnnw’n gweithio’n dda iawn (yn Saesneg).

Fel y gwelwch chi does dim slot ar gyfer cerdyn SIM er mwyn ei ddefnyddio fel ffôn mawr, ond mae’n cysylltu’n reit handi i ffon symudol gyda bluetooth er mwyn syrffio’r we. Mae modd gwylio S4C etc drwy Windows Media Center drwy’r tiwnydd USB ac mae gen i raglen Cyfeirio (Navigation) yn rhedeg arno trwy uned GPS bluetooth.

Casgliadau felly: mae’n rhoi golwg ar yr hyn sy’n bosib ar gyfer pad ysgrifennu electronig a llechen syrffio’r we cyffredinol. Mae’r gost o £400 (www.play.com) + £70 Home Premium yn gymhedrol o gymharu â llechi eraill ond yn uchel o gymharu a notebooks. Mae’n reit isel o gymharu â’r dybiaeth am iPad Apple (£390 – £600, MacWorld) ond sy’n llai pwerus.

Beth sy’n torri’r ddadl? Rhywbryd, cyn bo hir, bydd pecyn iaith Gymraeg ar gyfer Windows 7 yn cael ei ryddhau a bydd modd defnyddio’r offer ysgrifennu a gwirio sillafu ar yr Archos – mae’n debygol na ddaw hynny byth i’r iPad.

bellach mae modd cyfieithu Metastwnsh.com i nifer o ieithoedd drwy ddefnyddio’r bar ar dop y wefan. Mae hyn yn lle’r botwm bach oedd ar ochr dde y dudalen yn y sidebar.

Mae hyn i gyd yn bosib oherwydd Google Translate, felly diolch mawr iddyn nhw am wneud widget sydd yn gwneud hi’n rhwydd i ni allu cynnig y gwasannaeth yma i chi.

Ie, mae’n edrych fel bod Google wedi penderfynu bod nhw wedi cael digon o gefnogi hen borwyr gwe fel IE6. Erbyn diwedd 2010, bydd Google Apps ddim yn cefnogi IE6, ac maen nhw am i ni uwchraddio i’r fersiynau mwyaf diweddar o’r meddalwedd (sy’n galluogi nhw i gymryd mantais ar welliannau mewn HTML, CSS & JavaScript).

Fel un sy’n gweithio o fewn y diwydiant diogelwch cyfrifiadurol, mae’n dda gen i weld pobl yn, i ryw raddau, cael ei gorfodi i uwchraddio. Yn rhy aml dwi’n gweld cwmnïau dal i ddefnyddio IE6, ac yn gadael eu hunain yn agored i bob math o berygl (fy ffefryn fi yw
‘img=”javascript: “‘). Dwi’n sicr hefyd fydd dylunwyr gwe yn gallu defnyddio negeseuon fel hyn i ddechrau dweud “reit, mae’n hen bryd i ni orfodi uwchraddio oddi wrth borwr sydd bron 10 oed”.

Fydd hwn yn ddiwedd ar IE6? Na, ddim eto, ond da ni’n agosach byth…

B

Iwan Standley ac Rhys Wynne yn arwain trafodaeth am leoleiddio nawr.

Cawsom ni glywed am waith Seibr Cofi sy’n cymryd hen gyfrifiaduron, yn rhoi Linux arnyn nhw ac yna yn eu rhoi nhw i deuluoedd difreintiedig Caernarfon. Gwaith rhagorol.

Hywel Jones, ystadegydd Bwrdd yr Iaith nawr yn sôn am y ffyrdd newydd sydd i gael i gyflwyno data am yr iaith ar-lein. Dangos mash-ups diddorol o ddata siaradwyr Cymraeg dros fapiau Google Earth.

Dyma’r ddolen i wrando/edrych nôl ar y podlediad eto.