Dw i’n gwybod mai tynnu coes mae Sioned, ond mae’n syndod cymaint o dechnoleg sy’n cael ei ddefnyddio gan ffermwyr. Mae nhw eisioes yn nodi symudiadau gwartheg ar-lein (gyda trafferth weithiau), a chyn bo hir mae sôn bydd tagiau clustiau anifeiliad (RHYBUDD: peidiwch dechrau sgwrs am rhain gyda ffarmwr!) yn cynnwys barcode, yna, gall ffermwyr ddefnyddio darllenwyr barcodes ar ffonau symudol i nodi a chofnodi eu praidd.

Treuliais y penwythnos diwethaf yn didoli defiad ac wyn ac roedd rhaid cyfri eu pennau – pan oedd lotiau o 50+ mae’n hawdd colli cownt ac angen ail-gyfri. Petai barcode yng nghlust pob dafad, byddai rhyw ddyfais cyfri barcodes/sglodion electroneg wedi bod yn ddefnyddiol!