Cwrw am ddim: A rhesymau eraill dros ddysgu'r iaith
Llyfr newydd Chris Cope
Mae’n bosib i chwi nawr archebu llyfr newydd Chris Cope, Cwrw am Ddim: A Rhesymau Eraill Dros Ddysgu’r Iaith, oddi ar Amazon. Dydi’r llyfr ddim yn cael ei lawnsio tan y 15 Orffenaf gan Amazon felly bydd rhaid disgwyl dau ddiwrnod.
Dwi ddim yn gwybod dim am Cwrw am Ddim: A Rhesymau Eraill Dros Ddysgu’r Iaith, ond dwi’n siwr y bysa Chris yn fodlon ychwannegu rhiwbeth i’r adran sylwadau.
Dwi newydd rhoi fy order i fewn am Cwrw am Ddim: A Rhesymau Eraill Dros Ddysgu’r Iaith, felly gwnewch chi hefyd fobl da Cymru!
If you enjoyed this post, please consider to leave a comment or subscribe to the feed and get future articles delivered to your feed reader.
Sylwadau
Mae’n debyg taw hwn fydd y llyfr cyntaf fydd yn rhoi unrhyw sylw i ddefnydd y cyfryngau’r we yn y Gymraeg (neu ei ddiffyg, a’i ddiffygion).
Mae croeso i bobl da Cymru archebu hefyd trwy eu siopau llyfrau lleol neu drwy wefan http://www.gwales.com
Hwyl
Diolch am y cefnogi. Am wn i, ni fydd y llyfr ar gael 15 Gorffennaf mewn gwirionedd oherwydd oedd yr awdur yn araf gyda’i gywiriadau. Felly, o ganlyniad i’m diogi dwi ddim yn hollol siwr pryd y daw allan. Ond cyn Eisteddfod, yn ôl y sôn.
Mae’r llyfr yn dweud fy hanes fy hunan o ddod o hyd i’r iaith, ei dysgu, a bron mynd yn wallgof wrth geisio addasu i’r byd Cymraeg. Ond rydw i’n y math o berson sy’n cael ei ddiflasu gan hunangofiannau felly rydw i wedi ceisio osgoi ysgrifennu y fath beth. Rydw i wedi ceisio osgoi ysgrifennu yn y dull ‘na. Weithiau mae’n ddifyrrus, weithiau mae’n dywyll. Gobeithio y bydd pobl yn mwynhau’r llyfr.